Kanawénihtamok Óma Kisikáw
ARCA (Artist Run Centre Association) Omasinipéhikéwak Wínawáw Tipinaw Ká-Paminahkik ásay kí-wanastáwak ispí ká-wí-mámawapicik Pináskowo Písim (October), mitátaht péyakosáp isko mitátaht nistosáp kísikáwa óta Wínipék,Mánitówapáhk. Kita ispaniw kita wíci ayamihitocik, wícihitocik, akwa kita mámawi sítoskawacik omasinipéhikéwa. Pimitisahamwak “mámawi mékanaw”, ARCA kita natoméwak omasinipéhikéwa, opaminikéwa, akwa otatoskéwa kita ánimótahkik kéhciwák mámawapiwina kita sítoskátéki masinipéhikéwina akwa métawéwina.
mámawi méskanaw
É-ati-oski-miskahkik ARCA kita isi nókohtácik otatoskéwiniwáw, wi- ati miskamwak tán(i)si kita kí- isi-wítatoskémitocik akwa mína pítos ité ká-ochínit. Ósítoskamákéwak mósak kakwé miskamwak tán(i)té ké-kí-isi-wícihiwécik kiyám wina páhpítos é-isi-atoskémakahki. Óma mámahiwéwin pakosénimonániwan kita awasimé nisitohtáhcik, wítatoskémihcik, wícihihcik akwa awasimé kita miskátocik kita awasimié mihcéticik ita ká isi tipénihtákosicik.
Tán(i)si ké-kí-isi- nakáskahk ARC wésá mihcét páhpítos níkaniskamákéwinisa kita tayikwac wanáhtácik masinipéhikéwak akwa ométawéwak ká-isi-pakosénimocik? Tánima towíhkán wíhtamákéwina awasimé ké-ati-ihtákwahki? Tánsi ké-isi-kéhcináhoyahk ARCA kita kistápatahk? Tánisi ké-kí-isi-nawac mihcétiyahk, mískoci wícihitoyahk kita kéhcináhoyahk wítatoskémitowin?
Mámawi isihcikéwin mósak ékota ohcímakan minopaniwin akwa mámawíhitowin. Óma mámawapiwin kita ispaniw omasinipéhikéwak kita ayamihitocik, wícihitocik, sítoskátocik. Ká-mámawi wanastácik isihcikéwina, kita awasimé maskawihtáwak óma ARCA kita pimipanik. ARCA kita mámawinéw kahkinaw ká-atoskátahkik poko towihkán masinipéhikéwina akwa métawéwina. “mámawi méskanawr” kita nókwan ékota ohci, ARCA ká-kakwé isi mékwác atoskátahk akwa sítoskahk masininipéhikéwin akwa métawéwin mína níkánohk isi.